08:29 Զիդան. Գլուխս ցավում է, երբ Ռեալի մեկնարկային կազմն եմ ընտրում | |
Մադրիդի «Ռեալի» գլխավոր մարզիչ Զինեդին Զիդանը մեկնաբանել է Պրիմերայի առաջին տուրում «Ռեալ Սոսյեդադի» նկատմամբ հաղթանակը (3:0): «Գիտեինք, որ մեզ բարդ արտագնա հանդիպում է սպասում, բայց հենց սկզբից լավ էին խաղում: Կարևոր է մրցաշրջանը լավ սկսել: Ամեն ինչից գոհ եմ. յուրաքանչյուր խաղացող առավելագույն ջանքերը ներդրեց: Մենք միասին էինք հարձակվում ու պաշտպանվում: Գլուխս ցավում է, երբ ընտրում եմ «Ռեալի» մեկնարկային կազմը: Ասենսիոն առաջին րոպեներից խաղադաշտ դուրս եկավ և լավ խաղաց: Նույնկերպ հանդես եկան նաև Իսկոն ու Խամեսը, որոնք փոխարինման էին մտել: Բացի այդ, ուրախ եմ Բեյլի համար: Ֆիզիկապես նա դեռ մյուս ֆուտբոլիստների մակարդակին չի հասել, բայց տեսանք, թե նա ինչպես խաղաց: Գարեթի համար այս տարին կարևոր է լինելու»,- ֆրանսիացու խոսքերն է մեջբերում Football Espana.net-ը: | |
|
Մեկնաբանություններն ընդամենը՝: 0 | |